Çon que fasem

 

ÇON QUE FASEM : COM E PER QUÈ ?

 

Abadia_verda_copyright_La_LauzetaLa Lauzeta © que propausa produits textiles de hauta qualitat en coton certificat biologic, serigrafiats dens lo plen respècte de las nòrmas que visan a la proteccion de l’environament. Pr’amor que tien a non pas recórrer qu’aus metòdes mens polluents possibles, La Lauzeta © aufrís, de hèit, plan mei qu’un servici comerciau : ua auta faiçon de véner et de crompar, mes shens pèrder de vista la rason, lo hiu, lo camin que cadun de nosaus causís – o non – de’s balhar ací baish. Estar comerçant, quò's pas sinonime d’estar immorau o venau, e se pòt ganhar la vita shens la degalhar, shens i har pèrder lo son sens.

La Lauzeta © qu’es parada a balhar lo miélher d’era medisha per la satisfaccion de las soas practicas, mes tanben per la preservacion e la proteccion de la natura, mot que preferissem a environament que, per definicion, non englòba pas l’Òmi dens lo sens.

Au contrari, La Lauzeta © qu’enten que cadun de nosaus, venedor o consumidor, prenga las soas responsabilitats d’òste, de visitaire d’aquesta Tèrra.

 

La Lauzeta© qu’es biò, etica e equitabla.

D’agricultura biologica e deu comèrci equitable. Verdurèir_Copyright_La_Lauzeta

Lo coton que compausa a 100 % los nòstes textils es certificat confòrme au reglament europèu n° 2092/91 a perpaus deu mòde de produccion biologic de produits agricòlas.

Contràriament a la cultura deu coton ordinari, que lo son impacte sanitari e environamentau s’avèra desastrós, la deu coton biò que satis-hè a las exigéncias ecologicas mei estrictas.

L’agricultura biologica qu’a per fin de produsir, en tot damorar en armonia dab la Natura.

Atau, la produccion deu coton biologic que permet la preservacion de la biodiversitat, en enebir subertot tot recors aus OGM.

Qu’evita l’estadiment de la tèrra en aplicar un programa de virament pluriannau apropriat a las culturas.

La fertilizacion deus sòus e lo tractament contra los parasits non se hèn pas que dab produits exclusivament naturaus (decoccion de hulhas notadament de neem, hemadas organicas, sedadas a feromònas…) Nat engreish de sintèsi, desfolient, ni pesticida quimic es autorizat.

La cuelhuda que’s hè sonque a la man.

De la nocion d’etica peu comèrci equitable e l’agricultura biologica.

Produsir e comerçar d’un biais etic, quò’s velhar au respècte de condicions de tribalh et de vita optimalas a cada grade la cadena de produccion. Comerçar d’un biais equitable, aquò vòu díser préner guarda que los interès du productor non sian pas subordinats aus deu consumidor.

L’agricultura biologica qu’indusís ua dimencion etica, puishque visa a un impacte minimau sus l’ecosistèma, donc per arricoquet, sus las condicions de vita. La nocion de desvolopament durable, i es estreitament ligada. Qu’implica que cadun rasone, non pas a l’escala deus sons interès particulars, mes de la planèta, sancèira, de la soa populacion, deu son ecosistèma, e sustot deu son aviéner.

L’agricultura biò que proscriu la practica d’asaigatge intensiu. Ua gestion rigorosa de l’aiga que pòt evitar l’assecament de las lacas e deus arrìus. La preservacion − quantitativa e qualitativa − de las jaças freaticas qu’es assegurada.

La cuelhuda manuala, dens de condicions de tribalh rigorosament controladas, que permet aus coutivaires de víure decentament deu lor tribalh. L’equitat entre los interès deu productor e los deu consumidor qu’es atau assegurada. Oraris e salaris decents, atges legaus arrespectats, favorizan ua bona armonia sociala per la cadèna de produccion sancèira.

L’agricultura biologica qu’es shens dangèr peus coutivaires e lo lor entornatge.

Lo benestar animau, tanben, es recaptosament estudiat dens los tèxtes, e sevèrament controlat.

 

De la manièra que son hèits los produits de La Lauzeta©.

La traçadissitat deu coton biologic es assegurada de la cultura au produit acabat. Dorga_Copyright_La_LauzetaCada etapa de fabricacion es escrupulosament seguida.

Atau, la qualitat deus vestits de La Lauzeta © es guarantida per duas certificacions internacionalas entre las mei rigorosas : EKO desliurada per la SKAL International Foundation e GOTS (Global Organic Textile Standard) desliurada per Control Union World Group, organismes acreditats e independents.

Las sacas de La Lauzeta ©, per çò qu'es d'eras, que son sosmesas a de contròls sevèrs efectuats per laboratòris Cap_a_l_abadia_Copyright_La_Lauzetainternacionaus agradats e independents (Certification SGS Life Science Services ; Label NABL - Department of Science & Technology, Government of India) e responen a las exigéncias drasticas deu LMBG (German Foodstuff - còdi alimentari aleman).

Los nòstes produits que son serigrafiats, en Occitania, dens lo mei estricte respècte de la natura (label Imprim’Vert ; proceduras drasticas ; tintas certificadas non toxicas et analergicas, shens solvents, shens metaus lords, shens PVC, ni ftalates, ni formaldeïdes ; reciclatge de la totalitat de las sobralhas ; non usatge d’embalatges plastics…)

Peu condicionament, La Lauzeta © que privilegia las mestiors d’origina vegetala : cartons e papèirs arreciclats, riban pegador biodegradable, cordilhons de cambe certificat biologic, particularis d’acotatge fabricats a basa d’amidon de milhòc 100% biodegradables, que’s decompausan dens l’aiga shens nat honsalh toxic etc.

 

Tà descobrir nòsta botiga, clicatz aciu !

  

 

 

 

 

 

 

 

 

 

 

 

 

 

 

 

 

 

 

 

Nous utilisons des cookies pour améliorer votre navigation sur le site