• Acuelh
  • Condicions Generalas de Venta

Condicions Generalas de Venta

Préambule

Lo siti Internet accessible tà l’adreça  www.la-lauzeta.com (aquiu-après nomat « lo Siti ») que constituís ua botiga en linha consagrada aus produits textiles certificats biologics e etics, tornats cap tau patrimòni occitan.
Las presentas condicions generalas de venta que s'aplican, a l’exclusion de totas autas, entre lo proprietari deu Siti (identificat dens las Mensions legalas deu siti e aquiu-après nomat « Nos »), e tota persona visitant o efectuant ua crompa via lo Siti (aquiu-après nomada « Vos »).
Que podetz préner coneishença de las condicions generalas de venta suu Siti.
Aquestas condicions generalas de venta que pòden har l’objècte de modificacions, las condicions aplicables que son las en vigor suu Siti a la data de passatge de la vòsta comanda.
Lo Siti que s'adreça aus particulars. Tà totas autas demandas e/o comandas particularas, nos contactar.

1.Objècte

Las presentas condicions generalas de venta que s'aplican a la venta en linha suu Siti. Que declaratz aver pres coneishença d’aquestas condicions generalas de venta davant de passar comanda deus produits botats en venta suu Siti (aquiu-après nomats los « Produits »).

En tot causir de crompar los Produits, qu’acceptatz expressament et irevocablament los tèrmis taus qu’aquiu-après enonciats, e declaratz lavetz aver la plena capacitat juridica tà’vs engatjar au títol de las condicions de venta aquiu-devath descriutas.

Totas las ventas hèitas per Nos que son exclusivament hèitas a las presentas condicions generalas de venta.

Las estipulacions o las condicions portadas sus la comanda hèita per Vos, que serén de quauque biais incompatibles damb las presentas condicions, o i ajustarén, non Nos saurén ligar e non serén pas aplicables, si que non l’acceptacion de la comanda per Nos. Lo hèit per Nos de non pas presentar d’objeccions a las estipulacions contienudas dens ua comunicacion quina que sia, arrecebuda per Vos non poirà pas estar considerat com ua arrenonciacion a’s prevaler de las presentas condicions.

2.Formacion de contracte en linha

2.1 Condicions tad efectuar ua comanda :

Que declaratz estar atjat d’au mens 18 ans e aver la plena capacitat juridica o estar titular d’ua autorizacion parentala Vos permetent d’efectuar ua comanda suu Siti. Que cau que tota comanda hèita suu Siti que corespónia aus besonhs normaus d’un menatge.

2.2 Etapas de conclusion deu contracte :

Las informacions contractualas que son presentadas en lengas françesa e occitana.

Que cau que tota comanda, tad estar valable, sia efectuada conformadament a la procedura dictada tau crompaire.

Totas las etapas necessàrias tà la venta que son precizadas suu Siti.

Quan clicatz Vos suu boton « VALIDAR » après lo procèssus de comanda, que declaratz Vos acceptar la comanda, amei l’integralitat de las presentas condicions generalas de venta sancèirament e shens resèrva.

Un còp la vòsta comanda validada, Nos que Vos mandam un e-mail de confirmacion acusant arrecepcion de la dita comanda dens los mei bracs delais (au mei tòst au moment de la validacion de la transaccion, au mei tard, au moment de l’expediment de la comanda).

Que podetz passar las vòstas comandas, sia dirèctament per Internet suu Siti  www.la-lauzeta.com, sia per corrièr, en estampar lo bon de comanda suu Siti precitat e lo mandar per corrièr afranquit tà l’adreça seguenta :

La Lauzeta

Centre Montesquiu

BAL N° 27

1, alea Joan Rostanh

33650 MARTILHAC

Que’vs informam per e-mail de la mandada deus vòstes Produits. Aqueth e-mail que constituís la nòsta acceptacion de la vòsta comanda e fòrma atau lo contracte de venta entre Vos e Nos. Aqueras etapas de conclusion deu contracte que’s aplican quin que sia lo procediment de crompa suu Siti.

Las balhadas enregistradas peu Siti que constituissen la pròva de l’ensemble de las transaccions passadas entre Vos e Nos.

Las balhadas enregistradas peu sistèma de pagament segurizat de PAYPAL que constituissen la pròva de las transaccions financiàrias.

3.Produits

3.1 Conformitat :

Los Produits que son presentats suu Siti, damb la mei grana exactituda possible, damb l’ajuda de ficas descriptivas e de fotografias. Las illustracions non son quitament pas contractualas.

Aquestas fotografias non pòden pas assegurar ua similitud complida damb lo Produit, subertot per çò que pertòca las colors.

Las diferéncias pòden resultar de la qualitat color de las fotografias, de la dificultat de har aparéisher sus l’ecran lo rendut de las mestiors o enqüèra, shens totun estar exaustiu, l’adaptacion tecnica. Aqueras diferéncias (eventualas) non poiràn en nat cas estar interpretadas com defauts de conformitat e miar tà l’anullacion de la venta.

Dens l’ipotèsi qu' existirén diferéncias non significativas enter las caracteristicas deu Produit e la soa arrepresentacion e/o la soa descripcion, non saurem véder Nos la nòsta responsabilitat engatjada.

3.2 Disponibilitat :

S’en despieit de la nòsta vigilància, un Produit e s'avera indisponible temporàriament (rompedura d’estòck, reedicion, etc.) après que sia estada passada la comanda, Nos que Vos en informam par e-mail. Segon la vòsta causida, Nos que Vos convidam lavetz a modificar (autes articles, a concurréncia deu montant de l’article non disponible) o ad anular la vòsta comanda. Dens aqueste darrèir cas, Nos procedim au remborsament de las somas versadas au mei tard dens los trenta (30) jorns deu pagament.

Que’ns arreservam lo dreit de modificar shens avís prealable los Produits presentats a la venta, shens totun qu’aquò pertòque los articles ja comandats e pagats.

Las auhèrtas de Produits e de prètz que son valedèiras tant com sian vesedèiras suu Siti, e dens lo limit deus estòcs disponibles.

4.Prètz e pagament

4.1 Prètz :

Los prètz aficats suu Siti que son indicats en euròs totas taxas francesas compresas (TVA francesa e autas taxas aplicablas), hòra participacion a las còstas de tractament, d’embalatge e d’expediment e a las còstas bancàrias particularas.

Totas las comandas, quin que sia lo lor país d’origina, que son pagablas en euros.

En cas de comanda cap ad un aute país membre de l’Union europèa, la TVA non pòt har l’objècte d’exoneracion, e n’es pas arrecaptable. Per contra, nada taxa suplementària n’es exigida a l’arrecepcion.

Que’ns arreservam lo dreit de modificar los nòstes prètz a tot moment ; totun, tà guarantir los dreits deu crompaire, los produits que seràn facturats sus la basa de las tarifas en vigor au moment de l’enregistrament de la comanda quan es acompanhada deu son pagament.

Los articles venuts suu Siti que damòran la nòsta proprietat exclusiva dinc’au pagament sancèir deu prètz.

4.2 Pagament :

Que podetz reglar la vòstas comanda per carta bancària : Visa, Eurocard MasterCard e autas cartas bluas. Tota comanda quina que sia la soa origina qu’es pagabla en euros.

Las cartas emesas per bancas domiciliadas hòra de França que deven forçadament estar cartas bancàrias internacionalas.

Lo Siti que’vs propausa un procèssus de pagament en linha peu biais deu sistèma segurizat de Paypal de tant que las informacions transmesas sian criptadas per un logiciau e que nat terçan n’en posca préner coneishença au cors deu carrei suu hialat.

Que podetz tanben reglar la vòsta comanda per chèc bancari emés pr’ua banca domiciliada en França metropolitana. Cau que lo chèc sia acompanhat de la comanda, e que lo son montant corespónia au totau deus articles + còstas de portatge. Que cau que sia libellat en euròs.

L’encaishament deu pagament que’s hè au moment de la passacion de la comanda e n’en condiciona la validacion efectiva, que sia passada per Internet o per corrièr.

En consequéncia, dens lo cas qu’un Produit non seré pas disponible e nat Produit de remplaçament non’vs poiré estar liurat, Vos que seretz remborsats, au mei tard dens los trenta (30) dias.

Que’ns arreservam lo dreit d’arrefusar d’aunorar ua comanda passada tad un client que non auré pas reglat sancèirament o parciaument ua comanda precedenta, o damb lo quau ua peleja de pagament e seré en cors.

5.Liuraison

Non liuram pas que dens los país seguents : França metropolitana, Monegue, Italia e Espanha.

Los Produits que son liurats tà l’adreça de liurason que Vos atz indicada au cors deu procèssus de comanda.

Lo delai de transpòrt non deu pas estar confonut damb lo de preparacion e de tractament de la comanda. Que botam tot en òbra tad assegurar un tractament de las comandas dens los miélhers delais.

En cas de pagament per chèc, la comanda que serà tractada a recepcion deu chèc. En consequéncia, los delais aplicables que son lavetz calculats a partir deu jorn de recepcion deu chèc, e non pas a partir deu jorn de la passacion de la comanda.

En foncion de la destinacion, deu nombre de Produits e deu mòde de mandat causit, lo delai de liurason que pòt variar.

Dens tots los cas e conformament a l’article L. 121-20-3 deu Còdi de la consomacion, que’ns engatjam tad executar la comanda dens lo delai de trente (30) jorns a comptar deu jorn seguent lo que’ns atz transmés la comanda. Sonque estipulacion especiala, tota comanda pas mandada dens un delai de trenta (30) jorns seguent la comanda qu’es anullada e remborsada.

Que’ns arreservam lo dreit de fraccionar las expedicions, shens suplement de còst tau client.

La liurason deu o deus Produits comandat(s) que balha lòc tà la desliurança de la factura corresponenta.

Los delais indicats dens la rubrica condicions de transpòrt que son delais mejans costumèirs, indicats peus transportaires prestataris (Colipòsta etc).  Totun, en cas de fòrça màger tant com perturbacions o caumas, especiaument deus servicis postaus, servicis de transportatge, en cas d’inondacion o autas defalhidas, non poirà en nat cas estar engatjada la nòsta responsabilitat en cas d’un retard d’acaminament o de las soas consequéncia

6.Tarifas e condicions de transportatge

6.1 Comandas mandadas en França metropolitana

Las comandas que son mandadas en Colissimò seguit per França metropolitana sancèira, Principat de Monegue e Corsega. Los delais de liurason que son lavetz de J (jorn d’expedicion) + 2 jorns, segon las modalitats guarantidas per La Pòsta (calcul en jorns obradís, sos resèrva de respècte de l’òra limit de depòsit, e aqueste delai non estant pas guarantit en cas de fòrça màger, interdiccion de circular e tot aute hèit pas encargador tà La Pòsta. Tad en saber mei, que podetz consultar lo siti de La Pòsta www.coliposte.net.

Autanlèu expediat, Nos que’vs mandam per e-mail lo numèro deu vòste còlis, tà qu’en poscatz Vos seguir l’evolucion suu siti precitat (www.coliposte.net).

Las còstas de mandada que son calculadas a prètz fixe tà  tota comanda d’un montant inferior a 70,00 €.Que pujan dinc a 6,20 € e constituissen ua participacion a prètz fixe cobrant las diferentas còstas d’embalatge guarantit arrespectuós de l’environament e d’afranquiment .

Las comandas que lo montant n’es egau o superior a 70,00 € qu’an dreit ad ua exoneracion de la participacion a prètz fixe a las còstas de portatge e donc s’entenen francò de portatge. Lo lor embalatge d’ expedicion qu’es identic (Colissimò seguit).

Tà comandar sonque pegassolets, ua tarificacion particulària que s'aplica. Tad en saber mei, contactatz-nos.

6.2 Comandas mandadas cap a un país de l’Union Europèa : Italia e Espanha

Las comandas non seran pas mandadas qu’en còlis postau, en Colissimò Expèrt Internacionau, damb seguit deus còlis e remesa en man pròpia, contra signatura.

Tanlèu l’expedicion deu vòste còlis, un mail que’vs serà mandat tà’vs comunicar la referéncia deu vòste còlis, que’vs permeterà d’en seguir l’acaminament suu siti de La Pòsta www.coliposte.net.

Los delais de liurason que varian en foncion de la destinacion arretienuda, e Vos seran indicats, segon las indicacions de La Pòsta, dens lo mail portant tà la vòsta coneishença la referéncia deu vòste còlis. Que son lo mei sovent de J (jorn d’expedicion) + 4 jorns dinc’à  J + 8 jorns, lo delai que’s descompta en jorns obradís.La Pòsta non s’engatja pas suus delais d’acaminament e de distribucion deus còlis expediats de França metropolitana tad un aute país membre de l’UE. Lo servici Colissimò que guarantís, totun, un seguit de l’acaminament deus còlis.

Lo montant de las còstas d’expedicion qu’es forfeitàriament fixada a 14 euros per còlis. Aqueth montant que compren las còstas d’embalatge guarantit arrespectuós de l’environament e d’acaminament. Las comandas que lo montant n’es egau o superior a 100 € qu’an dreit ad ua exoneracion de la participacion a prètz fixe a las còstas de portatge e donc s’entenen francò de portatge.

7.Arretorns e reclamacions

Conformadament aus articles L. 121-16 e seguents deu Còdi de la consomacion, Vos que  dispausatz d'un delai de catòrze (14) jorns francs, a partir de la data de liurason de la vòsta comanda, tad exerçar lo vòste dreit de retractacion shens aver a justificar motius tanpòc tà pagar penalitats, si que non las còstas de retorn. Quan lo delai de sèt jorns qu’expira un dissabte, un dimenge o un jorn feriat o vagadèir, qu’es prorrogat dinc’au prumèir jorn obradís seguent.

Los retorns que son ad efectuar tà : La Lauzeta - Centre Montesquiu - BAL N° 27 - 1, alea Joan Rostanh - 33650  MARTILHAC.

Nat retorn contra remborsament non serà acceptat, quin qu'en sia lo motiu.

Cau que los Produits retornats sian en perfèit estat e sancèirs (embalatge, etiquetas, notícia, accessòris, presents etc.) e acompanhats d'ua copia de la factura. Los articles retornats pas sancèirs, guastats o cascantejats non seràn pas représ.

Sos aquestas condicions, lo retorn que serà seguit d'un escambi deu Produit o d'un remborsament deu ben retornat (a l'excepcion de las còstas de retorn) segon lo vòste desir. Se Vos optatz per un remborsament de la vòsta comanda, la vòsta demanda n’es presa en compte qu’après arrecepcion per Nos deu o deus produit(s) retornat(s).

Lo dreit de retorn non poirà estar exerçat peus articles personalizats a la vòsta demanda  (exemple nom brodat), sonque se lo motiu deu retorn qu’es apitat sus ua pèca de nosaus o ua defalhida de l'article. Dens tots los cas, sonque lo prètz deu ou deus Produits retornats e serà remborsat.

Quan lo retorn es devut ad ua pèca de Nos o un defaut de l'article, las còstas de mandada que son remborsadas damb lo prètz pagat peu Produit, e las còstas de retorn que son, parièr, presas a la nòsta carga. Dens aqueth cas, cau que nous sia arremandat l'article en Colissimò seguit, remés contra signatura, e lo remborsament que’s hè sus la basa de las tarifas Colissimò en vigor au jorn deu retorn. Cau que lo retorn sia acompanhat d'un escriut expausant, d’un biais detalhat, lo motiu deu retorn.
Dens l'ipotèsi de l'exercici d'un dreit de retorn, lo remborsament deu o deus Produits que serà hèit dens un delai inferior o egau a trenta (30) jorns a comptar deu retorn recepcionat deu o deus Produit(s) per Nos.

Lo remborsament que’s ha per chèc bancari adreçat au vòste nom, mandat a l'adreça de facturacion.

8.Resèrva de proprietat

Los Produits liurats que damoraràn la nòsta proprietat dinc’a çò qu’ajatz pleat totas las vòstas obligacions auprès de Nos, e subertot dinc’au pagament sancèir deu prètz deu ou deus Produits comandats, au besonh aumentat deus interès.

9.Dreits de doana

Tota comanda passada suu Siti e liurada en dehòra de França que poirà  estar somesa a taxas eventualas e a dreits de doana que son impausats quan lo còlis arribe tà la soa destinacion. Aquestes dreits de doana, aquestas taxas eventualas ligadas a la liurason d’un Produit que son a la vòsta carga e relhèvan de la vòsta responsabilitat. N’em pas tienuts de verificar e de Vos informar deus dreits de doana e taxas aplicables. Tad eths conéisher, Nos que Vos conselham de’vs assabentar au près de las autoritats competentas deu país vòste .

10.Guarantidas e responsabilitats

10.1 Guarantida legala de conformitat

Article L. 211-4 deu Còdi de la consomacion : lo venedor qu’es tienut de liurar un ben confòrme au contracte e respon deus defauts de conformitat existents au moment de la desliurança.

Que respon tanben deus defauts de conformitat arresultants de l’embalatge, de las instruccions de montatge o de l’installacion quan aquesta qu’estó mesa a la soa carga peu contracte, o realizada sos la soa responsabilitat.

Article L. 211-5 deu Còdi de la consumicion : tad estar confòrme au contracte, que cau que lo ben sia :

1° pròpi a l’usatge costumèirament esperat d’un ben parèir e, eventualament :

  • corespóner a la descripcion balhada peu venedor e possedir las qualitats qu’aqueth presentè au crompaire devath la fòrma de tasta o de modèle ;
  • presentar las qualitats qu’un crompaire pòt legitimament esperar per rapòrt a las declaracions publicas hèitas peu venedor, peu productor o per lo son arrepresentant, subertot dens la publicitat o l’etiquetatge ;

2° o presentar las caracteristicas definidas d’un comun acòrd per las partidas, o estar pròpi a tot usatge especiau arrecercat peu crompaire, portat a la coneishença deu venedor e qu’aqueth  acceptè.

Article L. 211-12 deu Còdi de la consomacion : l’accion resultanta deu defaut de conformitat qu' es prescriut per dus ans a comptar de la desliurança deu ben.

10.2 Guarantida de las marmauchas esconudas

Article 1641 deu Còdi civiu : lo venedor qu’es tienut de la guarantida a rason deus defauts esconuts de la causa venuda que la tòrnan impròpia tà l’usatge au quau estó destinada, o qu’amendrén tant aqueth usatge, que lo crompaire non l’auré pas aquesida, o n’en auré balhat qu’un mendre prètz se los auré coneishuts.

Article 1648 deu Còdi civiu : l’accion arresultanta de las marmauchas redibitòrias que deu estar intentada per lo crompaire dens un delai de dus ans a comptar de la descoberta de la marmaucha.

10.3 Guarantida contractuala

Independentament de la guarantida atau consentida, lo venedor que damòra tienut deus defauts de conformitat deu ben au contracte e de las marmauchas redibitòrias dens las condicions previstas aus articles 1641 tà 1649 deu Còdi civiu.

La nòsta responsabilitat qu’es estrictament limitada aus desforniments dirèctes e prevesedèirs au moment de l’utilisacion deu Siti o de la conclusion deu contracte de venta entre Nos e Vos. La nòsta responsabilitat non sauré estar engatjadas per desforniments arresultants de la vòsta fauta.

En nat cas, Nos encorrem responsabilitat per pèrtas de beneficis, pèrtas comercialas, pèrtas de balhadas o manca a ganhar o tot aute desforniment indirècte o pas prevesedèir au moment de l’utilisacion deu Siti o de la conclusion deu contracte de venta enter Vos e Nos.

N’em pas responsables deu contienuts e foncionaments deus sitis en ligam suu Siti de La Lauzeta ©, tanpòc deus desforniments de totas naturas podents estar subits peu client au parat d’ua visita d’aqueths sitis.

L’utilisacion deu Siti qu’implica la coneishença per Vos de las caracteristicas e deus limits de l’Internet et de las tecnologias qu’i son ligadas, l’abséncia de proteccion de cèrtas balhadas contra desviaments eventuaus o piratatge e risques de contaminacion per eventuaus virus rodejants suu hialat. La nòsta responsabilitat non pòt, en nat cas, estar engatjada.

11.Carta de bona portança

Que’ns podetz adreçar criticas, comentaris o tot aute contienut o Nos sométer suggestions,  ideas, questions o tota auta informacion tant qu’aqueth contienut n’es pas illegau, obscèn, abusadiu, miaçant, difamatòri, contrevienent aus dreits de proprietat intellectuala, o prejudiciable ad un terçan e non consistís pas o conten pas virus informatics, perpaus contraris aus Dreits de l’Òmi, sollicitacions comercialas, mailing de massa, cadenas o tota auta fòrma de « spam ».

Non vos cau pas emplegar ua faussa adreça e-mail, usurpar l’identitat d’ua persona o d’ua entitat, tanpòc mentir sus l’origina deu contienut.

12.Proteccion de las balhadas personalas

Tad assegurar lo tractament de las comandas, Nos qu’em miats tà colectar e tractar las vòstas balhadas a caractèr personau.

Que declaram exprèssament que las ditas balhadas non seràn pas utilisadas que per la gestion deu nòste fiquièr Clients Prospects e eventualament tà finalitats comercialas deus nòstes aliats sos reserva deu vòste acòrd prefigidor e exprimit. En nat cas Nos non veneram tanpòc logaram tà terçans las vòstas informacions personalas o ua lista deus nòstes utilisadors.

Totas las indicacions que seràn tractadas confidencialament conformadament a las dispausicions legalas sus la proteccion de las balhadas en vigor.

Conformadament a la legislacion en vigor, Nos qu’arrecuelhim lo vòste consentiment prefigidor davant tot tractament d’aquestas balhadas que son :

  • colectadas e tractadas d’un biais leiau e licit ;
  • colectadas tà finalitats determinadas, explicitas e legitimas e non son pas tractadas ulteriorament d’un biais incompatible damb aquestas finalitats ;
  • adeqüatas, pertinentas e pas excessivas per rapòrt a las finalitats per las quaus son colectadas e deus lors tractaments ulteriors ;
  • exactas, sancèiras e, se necessari, mesas au jorn ;
  • conservadas devath ua fòrma permeten la vòsta identificacion pendent ua durada que non excedís pas la durada necessària a las finalitats tà las quaus son colectadas e tractadas.

En aplicacion deus articles 38 tà 40 de la lei n° 78-17 deu 6 de genèir de 1978, modificada par la lei n° 2004-801 deu 6 d’agost de 2004, arrelativa a l’informatica, aus fiquièrs e a las libertats, Vos que dispausatz d’un dreit d’oposicion, d’accès, de rectificacion, de modificacion et de supression de las balhadas que’vs pertòcan.

Aqueth dreit que’s exerça deu biais seguent :

Per corrièr a l’atencion de La Lauzeta - Centre Montesquiu - BAL N° 27 - 1, alea Joan Rostanh - 33650 MARTILHAC en indicar los vòstes nom, petit nom, adreça e-mail e referéncia client ;

o via lo nòste formulari de contacte.

Proceditz deu medish biais , se Vos non voletz pas mei arrecéber propausicions comercialas o catalògues de la nòsta part.

Lo tractament de balhadas de caractèr personau arrelatiu a la gestion deus fiquièrs de clients et de prospects qu’estó declarat tà la Comission Nacionala de l’Informatica e de las Libertats (CNIL) devath lo numèro 1376091.

Que velham à préner lo maximom de mesuras tad assegurar la seguritat deus nòstes fiquièrs. Nos que’ns engatjam, conformadament a l’article 29 de la lei n°78-17 deu 6 genèir de 1978 arrelativa a l’informatica, aus fiquièrs e a las libertats, a çò que lo collectatge en linha de coordonadas bancàrias destinadas a realizar las transaccions comercialas portant suus produits fisics e numerics més en venta suu Siti compòrte procèssus perfèitament eficaç e licits de segurizacion deus pagaments, destinats ad empachar un terçan pas autorizat d’arrecaptar las balhadas, d’i accedir, de las desformar o de las destornar subertot au son profieit. Totun, se Nos que’ns engatjam tà méter en òbra tota la prudéncia e la diligéncia arrequesidas tad assegurar la seguritat e preservar lo caractèr confidenciau de las balhadas desliuradas suu nòste Siti, que declinam tota responsabilitat per çò qu’es de la violacion du nòste Siti maugrat las precaucions presas e per çò qu’es de las consequéncias prejudiciablas qu’en pòden resultar, subertot lo desviament d’informacions confidencialas e especiaument bancàrias pertocant los crompaires i avent accès.

13.Cookies

Tà melhorar la vòsta navigacion suu nòste Siti, cookies que pòden estar utilisats. Dens aqueth cas, lo lor sol objectiu qu’es de melhorar lo servici personalizat deu client.

Au moment de la vòsta navigacion suu nòste Siti, Nos que mandam mantuns cookies cap tau vòste ordinator. Un cookie non nos permet pas de’vs identificar ; per contre, qu’ enregistra  informacions arrelativas a la navigacion deu vòste ordinator suu nòste siti (las paginas que Vos atz consultadas, la data e l’òra de la consultacion etc.)
L'un d’aqueths cookies que’ns permet tanben d'assegurar lo seguit deu pleatge deu vòste tistèth de crompas de pagina en pagina e’vs permet atau de comandar suu nòste Siti.
Que cau lavetz que Vos que’us acceptetz tà poder comandar sus la nòsta botiga en linha.

14.Proprietat intellectuala

Tots los elements deu Siti que son e damòran la proprietat intellectuala exclusiva de La Lauzeta ©, a l'excepcion de las fotographias libras de dreits, lasquaus non pòrtan pas la mension Copyright La Lauzeta.

Vos n’etz pas, en nat cas, autorizat a reprodusir, espleitar, difusar, o utilisar a quauque títol que sia, quitament parciaument, elements deu Siti que sian logicaus, visuaus o sonòrs.

14.1 Dreits d’autor

Los tèxtes, lògos, imatges, fotografias, dessenhs, lo lay-out amei la carta grafica deu Siti que son aprigats peu dreit de la proprietat intellectuala.

Aquò’s formalament enebit de copiar, tréger, difusir, modificar o adaptar lo contienut deu Siti. Lo telecargament amei l’impression deu tèxte, deus imatges o elements grafics que son autorizats peu sol usatge privat e non comerciau.

La reproduccion de dessenhs, imatges, documents sonòrs, sequéncias video e tèxtes dens d’autas publicacions electronicas o estampadas que necita lo nòste consentiment prefigidor, exprès e escriut. Lo defaut d’autorizacion autant com totas autas utilisacions dens d’autas condicions que son considerats com un delicte de contrafaiçon e severament reprimidas per las dispausicions deu còdi de la proprietat intellectuala.

14.2 Mèrcas et modèles

Las mèrcas, dessenhs e modèles figurants suu Siti que son tots depausats e aprigats. Tota reproduccion totala o parciala d’aqueras mèrcas e/o dessenhs et modèles, hèita a partir deus elements deu Siti shens la nòsta autorizacion expressa qu’es constitutiva de contrafaiçon castigada peus articles L.335-2 e seguents deu Còdi de la proprietat intellectuala.

14.3 Basas de balhadas

Las nòstas basas de balhadas que son aprigadas peu dreit d’autor amei per la lei deu 1èir de julh de 1998 portant transposicion dens lo Còdi de la proprietat intellectuala de la directiva europeana deu 11 de març de 1996 arrelativa  a la proteccion juridica de las basas de balhadas. Tot tregiment non pòt pas estar que limitat e hèit tà fins privadas.

14.4 Ligams ipertèxtes

Nos que Vos autorizam a títol non esclusiu e revocable a crear un ligam ipertèxte puntant sus la pagina d’arcuelh deu Siti a la condicion qu’aqueth ligam non aja pas un caractèr mensongèir, faus, pejoratiu, contrari a la nòsta etica e/o Nos podent portar prejudici.

En nat cas la creacion d’aqueste ligam ipertèxte non poirà engatjar la nòsta responsabilitat, a quauque títol que sia, suu contienut deu vòste siti.

Tota utilisacion dens lo vòste ligam deu nòste lògo, de la nòsta mèrca o deus nòstes grafismes que necita la nòsta autorizacion prefigidora, expressa e escriuta.

15.Dreit aplicable e juridiccion competenta

Las presentas condicions generalas de venta que son regidas peu dreit francés.

Tà totas eventualas pelejas arrelativas a la relacion comerciala existentas enter Vos e Nos, las juridiccions competentas que son las de la sedença de l'entrepresa La Lauzeta © o que serà hèit aplicacion de la reglementacion francesa.

Nous utilisons des cookies pour améliorer votre navigation sur le site