Los embalatges de La Lauzeta : ua politica etica e ecologica

Carbe_sauvatge_La_Lauzeta_CopyrightPer La Lauzeta ©, lo mendre detalh qu’a la soa importància, dinc’a l'embalatge e au condicionament que participan de l'etica de l'entrepresa. Atau, tots los elements que compausan lo colís dens lo quau la vòsta comanda que’vs serà mandada, que son rigorosament seleccionats tad aver un impacte minimau sus la natura. N'emplegam pas que matièras d’origina vegetala : cartons e papèirs arreciclats ; arriban pegadis biòdesgradable ; cordilhons de carbe sauvatge, de coton certificat biologic o de fibras d'ortigas ; particularis de calatge fabricats a basa d’amidon de milhòc 100% biòdesgradables etc. Tot aquò qu’a un còst tant com tot produit de qualitat. Nonpertant, La Lauzeta © non se reganta pas suus còstis de portatge, que’s situan en devath de la mejana practicada. Lavetz, non pagatz pas mei car, per ua qualitat optimala, 100 % etica e ecologica.

Au vòste torn, pensatz ad arreciclar ! Que los nòstes esfòrs non sian pas estats hèits en vaganaut. Tots que formam ua cadena, e quò’s cadun de nosaus, que per lo son gèste, contribua tà la proteccion de la planeta.

Nous utilisons des cookies pour améliorer votre navigation sur le site