Los prumèirs camisòts e sacas occitans

 

certificats 100 % biologics e etics !

Cadun deus nòstes visuaus qu’es ua creacion a part sancèira. Que’us am imaginats, saunejats, concebuts e realizats com d'òbras vertadèirament personalas. Creacions portaires d'ideas, d'ahidas, de concepcions, a còps de saunei... Que las am voludas au nòste imatge, mes tanben au d'aquera Occitania verda e oberta, reirenada per la presa de consciéncia de la soa pròpia riquessa, deu son potenciau, deu son aviéner... Pr'amor qu'arres es tròp beth, quan an un messatge vertadèir tà transméter, La Lauzeta © que’vs propausa produits de hauta qualitat, realisats e serigrafiats segon las nòrmas las mei estrictas, e’s pòt prevaler de las mei granas certificacions internacionalas. La Lauzeta © que seleccionè entà vos un coton biò beneficiant de totas las garantidas en mestior d’agricultura biologica e de comerce equitable. Las creacions de La Lauzeta © que comportan dinc'a mei de dotze colors diferentas, ajustats a l'exigencia d'ua serigrafia ecologica, tots aqueths detalhòts, que nos permetan de propausar un deventalh de colors e d'imatges pas egaladas a l'ora d'ara, qu'an un còst, solide. Qu'èra lo prètz a pagar tà capitar cap a quauqu'arrés de vertadèirament diferent. Diferent pr'amor de qualitat superiora, mes tanben pr'amor portaire d'auta causa, d'un concèpte unic dens lo son genre. Mes mei qu’un còst, aquò’s ua valor que voleré La Lauzeta © que sia restacada a las soas creacions. Los e las que'ns haràn l'aunor e la jòia de causir los produits de La Lauzeta © causiràn, pr'aquò medish de s'afirmar autes. Com un aute biais d'abordar l'universalitat, a travèrs ua auta idea d'Occitania... Se demarcar... Anar contra lo briu... Pr’amor que, se la qualitat de las matèrias, la hauta resolucion deus imatges que son balhadas quantifiables, la part de saunei, d’evasion, las valors e los sovieis, las atmosfèras, los climats qu’imprenhan las nostas estòfas an cap de prètz.