Quaus som ?

 

 

L_eau_copyright_La_LauzetaL'AIGA

L'Aiga comanda a La Lauzeta©. En es la sola dauna oficiala.

A còps calma, pregonda e hreda, a d'autes turbida e espumanta, es en prumèir principi de vita. Sa transparencia es enganaira. De sòrga en sòrga, de gave de montanha en peugue immense, aquò's era que, per lo moviment daus fluides e de las massas, balha la direccion e maneja la dinamica perpetuala deu briu. Suberna o mascarèt, gueita meilèu capsús que non pas capvath.

 

 

 

Feu_copyright_La_Lauzeta 

LO HUC

Lo Huc n'es pas officiaument daus que comandan a La Lauzeta©, i es intervienent despuish defòra. E òc, lo Ying a mestièr dau Yang tad aténher lo Taò – l'Harmonia – que recèrca La Lauzeta ©. Huc de combustion lenta, n'es pas aqueth esglabiaire que sorgís de la peguèssa umana, e esbrusís la vita en brasas. Difusaire de la calor de la lenga occitana e d'una pichòta lutz sang e aur, se neurís e pusa son energia dens l'ancian e lo pregond.

 

 

 

Terre_copyright_La_LauzetaLA TÈRRA

La Tèrra ajuda La Lauzeta© cada còp qu'es abordada la question de produsir, de samenar, de laurar e de har madurar los fruits. Informatician e conceptaire tecnic dau siti de La Lauzeta©, coneishedor daus grans de las estrategias de comunicacion e de venta, lo gave esbarrit e lo huc passionat an egau mestièr de sa temperança e se son sens de las realitats : que sap la Tèrra que fau semiar prampó entà recoltar los fruits.

 

 

L_air_copyright_La_LauzetaL'AIRE

L'Aire representa la creativitat, la fantasia, l'inventivitat, la vivacitat das idèias, que devaran sus la plana com zefirs refresquejants. Holet caut e amistós, que vad l'autan que pòrta la pluja benfasenta, que hèi espelir las recòltas. Grafista independènta, conceptritz au talent tant plenh de sensibilitat, son amor per son art es preciós per La Lauzeta© qu'aima a cercar los fièrs aquilons daus glacèirs hauts com lo chaurei doç de l'escurada.

 

 

Temps_copyright_La_LauzetaLO TEMPS

Lo cincau element... La Lauzeta© que peca per defaut d'imaginacion... Sinon per la causida : lo Temps, permanent e sage. Son calma adesa imperturbablament las divisions e las peguèssas daus òmis, que passan mentre que demòra. Es lo fluide transversau, qu'es comun aus quate elements, en tot poder estar comparat a cadun d'entre eths. Lo sage pausadís de La Lauzeta©, lo sabent a la sciéncia si esquistament umila, lo referent e l'amic daus Tot-Prumèirs-Començaments n'es, amei, pas un desconeishut : compausèt la presentacion devudament signada de son nom qu'emperla la pagina d'arcuelh dau siti!

 

 

 

LOS PICHÒTS HANTAUMES DE LA LAUZETA

Hantaume_copyright_La_LauzetaHantaume_copyright_La_LauzetaHantaume_copyright_La_LauzetaHantaume_copyright_La_LauzetaHantaume_copyright_La_LauzetaHantaume_copyright_La_LauzetaHantaume_copyright_La_LauzetaHantaume_copyright_La_Lauzeta

Que son ueit.

Autes còps, per las carrèiras dau vielh Bordèu, entre Sent-Miquèu e Pèir Berland, èran frem mei nombrós ! Dens la mitologia bordalesa, aqueths petits esperits eslurrats jogavan a perturbar lo som daus braves borgés au bèth miei de la nueit.

Mes que se rasseguran, se son assagits damb lo temps : La Lauzeta© los recrutèt !

Totjorn malinòts, pòrtan la pichòta toca de folia e de fantasia... e arretròban a còps luras ancianas costumas.

 

   

 

DArt_e_de_Gat_Copyright_La_LauzetaSens oblidar la fabulosa pichòta còla dau Taulèr deu Gat, shens laquau La Lauzeta© ne s'auré pas jamèi podut gahar l'aviada.
Amistats, pensada, vèrbi, plasers de l'esperit amei anacreontics : granmercés, òmis !

 

Nòste tinèu de la lenga occitana nos a totjamèi sostienuts. Shens eths tanpauc, La Lauzeta © ne s'auré pas podut espelir. D'Agen a Lengon, e de Niça a Marinhac, mercés a tots !

 

 

 

 

 

 

 

 

Nous utilisons des cookies pour améliorer votre navigation sur le site